الله يكسر شوكته

خلااااااااص انا مش مستحمل ، حتى دي كمان ، الرحمة يارب ، أرحمني من الفريق ده وجمهوره ال ملوش شغلانه غير العكننه علينا حتى بعد ما بطلت أشجع الكرة من سنين مش سايبيني في حالي ومش عايزين ينسوا أني مش معاهم ، أعمل ايه بأكرهه والله بأكرهه ومش بتمناله الخير ، وعمري ما بحس بقلبي أسود غير لما بتيجي سيرته قدامي ، وكتير بأكتم جوايه وبقول بجملت النحس والفقر وياعم كبر دماغك وأرحم نفسك لكن برضه هو مش بيبطل يكسب بسبب ومن غير سبب ، مش هاين عليه يسيب بطوله لأحد ياساااااتر ، لولعب على أبطال أفرقيا يكسبه ولو لعب على غطاء قزوزة برضو يكسبه  ياخرب بيت كده ، مش سايب لاعب كويس ولا غير كويس الا ويشتريه ويرميه على الدكة أو يبيعه بعد ما يحمض من الركنة وقليل اللاعب ال بيستمر معاه ، مش راحم حد ولا عايز حد ياخد حاجه وجمهورة كمان ولاد ستين “……..” نازلين فينا ألس وتريقه عمال على بطال تقولش بقينا شغلتهم على الفاضي والمليان ، ياسااااتر الله يكسر شوكته ويعكنن عليهم ، المصيبه أن الدعاء ما بيستجابش ومفيش حاجه مقصرة فيه حتى وهو في أسوء حالاته بيكسب يخرب بيت كده ولا الحكام في منهم بيخاف من الأعلام والجمهور حتى اتحاد الكرة تلتينه منهم ولاد البعدة ، خلاص مباقتش طايق ، اسيب مشجعينه في الشارع أو الشغل ألاقيهم في كل مكان حتى على النت وكتير بقول مش ناقص بقه غير زوجة تخلي أيامي حمراء ومطينة على دماغهم ، على فكرة بصراحة والله شئ من المصبرني اني بقول يمكن يكون هو الحاجه الوحيدة ال بيفرح الناس البسطاء بفوزة في الدنيا ال كلها غم دي ومش مهم انا لأني متعود على النكد وأكيد ربنا هيعوضني لو مش في الدنيا يبقى في الاخرة وصراخي ده مدفون جوايا وأوعى حد يقول عليه أحسن ولاد الحمر دول مش هيسيبوني في حالي ربنا ينكد عليهم ، أكيد عرفتم أنا بالي على مين ، طبعا على الفريق ال أسمه الأهلي الله يكسر شوكته .  

Advertisements

رد واحد

  1. بصراحة مش متخيلة ولا يسعنى الا ان اقول ربنا يهديك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: