مصباح علاء الدين …،

كثرة المشكلات التي يمر بها الانسان في حياته قد تدفعه أحيانا الى الهروب من واقعه الى حلم يعرف انه صعب المنال أول قل مستحيل أن يتحقق ، هذه الحاله مرت بي كثيرا فبعد أن أحدد المشكلة وأسعى في تحديد جوانب القصور والسعي الى حلها بشتى الطرق تأتي لحظه أشعر معها وكأني بحاجه الى خاتم سليمان أو مصباح علاء الدين من فرط الصعوبه التي تواجهني في حلها أو في تحقيق ما توصلت له من حل ، حتى جاءتني لحظه قررت أن أعيشها مع هذا المصباح ” ترى ماذا افعل إن وجدت مصباح علاء الدين؟ ،  طبعا هدعكه باليمين علشان عفركوش يطلع مسلم وهقول بسم الله قبل اي شيء ، بس بعض الخضه وشبيك لبيك وأطلب وأتمنى تفتكر ياض يامتمو هيقول لك أطلب طلب او طلبين او حتى تلاته بس ، ده يبقى بخيل قوي ، طيب خلينا في المهم هتطلب منه إيه يامعلم ؟؟؟ يعني إيه أول اهتمامات ؟؟؟ اوعى تقولي يوحد المسلمين دي يامعلم حاجه مايقدرش عليها غير ربنا سبحانه وتعالى ، بلاش دي نطلب منه يعقل حكامنا شويه ويخليهم يتقوا الله ، ياعم بطل اوهام وخليك واقعي ، طيب نطلب انه يحرر الاقصى ، يييييي ياعم خليك في نفسك انت غاوي تفكرنا بالهم ، معاك عفركوش يعني اطلب حاجه لنفسك وحدك ، طيب ماشي هطلب منه يبعد عني الشيطان اللعين بتاعي ال كتير بيوسوس لي ، يخرب بيت تفكيرك هو انت مافيش فايده فيك ياعم ركز في الدنيا ال حوليك ده انت فقري ، خلاص خلاص خلاص هطلب منه يجوزني بنت تعيني على طاعة الله عز وجل وأدخل معاها جنة الدنيا وبعدها جنة الآخرة ، ياسلام وهو هيشتغلك خاطبه ، وربنا انت عيل دماغك مش من هنا ، ياعم اصحى فوق شويه معاك مصباح علاء الدين مش خالتك ام مصباح الخاطبه!!! ، آسف خلاص هركز بص ياعم هطلب منه يفرح امي وينولها كل ال تتمناه من الدنيا ويصبرها على متاعب الحياة ، هه ايه رأيك في الطلب ده ؛ ياسلام يا معلم على اساس انه طبيب جراح قلوب الناس يداويها هههههههههههه انت مفيش فايده فيك اساسا ، اصبرعليا بس  هقولك ايه رأيك نطلب منه يهدي نفوس البشر ويحنن قلوبهم على بعض ويزود الحب بين الناس وينشر العدل والتقوى بين الحاكم والمحكوم ، ياعم انت بتشحت على باب السيدة ناقص تقولي يبعد حسني مبارك وأعوانه والفاسدين عن مصر أم الدنيا ؛؛ انت خلاص باين عليك هنجت ؛؛ طيب اسمع دي بقه يدخلنا الجنه هه مفيش أغلى من كده طلب ؟ راضي ياعم؟ ، راضي ايه يامجنوووون هو ده بيد حد انت هتصيع عليا ؛ بص انت أكيد مش مقدر حجم ال معاك ده كويس روح اتنيل بعيد عني ، روح جاتك فرحة في وشك تملاه هنا وسرور ” وهكذا ادرك ان مصباح علاء الدين لايملك لي الا أمور الدنيا الفانيه التي وان حققها لي ستغمرني السعادة الفانيه التي قلما تمنيتها ولكن ما تسعى اليه النفس هو فقط بيد الله العزيز الحكيم (والله غالب على أمره) ” بس بجد لو لقيت المصباح هسلمه للمسجد ينادي على صاحبه؛ مش ده الصح برضو؟ هههه ” .

Advertisements

رد واحد

  1. انا عمرى ما تخيلت انى الاقى مصباح علاء الدين بس لو لاقيته هسأله فين علاء الدين ؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: